مفكرة رزانة VS مفكرة وضوح | ايش اختار؟

مفكرة رزانة VS مفكرة وضوح | ايش اختار؟

مرحبا يا أصدقاء


في هذي التدوينة راح نجاوب على سؤال تكرر كثير بصيغ مختلفة مثل:

  • ايش الفرق بين رزانة ووضوح؟
  • هل محتوى رزانة نفس وضوح بس الحجم غير؟
  • ايش احسن وضوح والا رزانة؟



يلا نبدأ


الاختلاف الأول: الحجم

مقاس مفكرة رزانة A5 أو ٢١*١٥ سم تقريباً (نصف ورقة الطباعة A4) وهذا المقاس مناسب جداً اذا كانت شنطتك كبيرة أو اذا تفضلين المنتجات الكبيرة. بالنسبة لمقاس مفكرة وضوح C6 أو ١١*١٦سم، وهذي المفكرة مصممة خصيصاً عشان تاخذيه معاك في كل مشاويرك بسهولة




الاختلاف الثاني: جدول العادات

جدول متابعة العادات موجود فقط في رزانة. في وضوح حطينا صفحتين منقطة خلف كل شهر بامكانك رسم الجدول فيها بالمناسب المناسب لك ومتابعة عادات كل شهر بشكل منفصل




الاختلاف الثالث: التصميم

تصميم صفحات رزانة مختلفة تماما عن صفحات وضوح، كل المفكرتين موجود فيهم مثلاً صفحة اهداف وصفحة مكافات وصفحة رياضة لكن التصميم المستخدم مختلف.




الاختلاف الرابع: الداش بورد

رزانة توجد فيه صفحة بداية المنظم الشهري تكون مخصصة لاضافة الستيكي نوت واوراق الملاحظات والمشابك، عشان تستخدميها للتزين. لكن وضوح ما توجد فيها هذي الصفحة لأن المنتج مصمم بحيث يكون معاك في كل مكان بدون ما يضايقك.




الاختلاف الخامس: جدول التنظيم الشهري

في رزانة ٣ صفحات جاهزة للتنظيم الشهري ( صفحة للمهام الشهرية + صفحتين للجدول الشهري)، في وضوح صفحة وحدة بس للتخطيط الشهري. ليش؟ رزانة يهتم بتذكيرك بالمهام الشهرية عشان كذا الجدول الشهري راح يساعدك في هذه المهمة، لكن وضوح مصمم عشان يكون معاك في كل مكان عشان كذا راح تدونين التاريخ والمهام الرئيسية وفي باقي الصفحات المسطرة راح تكتبين مهام واحداث يومك.




الاختلاف السادس: عدد الصفحات المسطرة الشهرية

خلف كل شهر فيه صفحات مسطرة لكتابة المهام اليومية لكل شهر. رزانة عدد الصفحات ٣ صفحات ووضوح عدد الصفحات ٥ صفحات. والسبب زي ما قلنا سابقاً، وضوح التخطيط الشهري صفحة وحده فقط لكن المساحة الكتابة اكثر




واخيراً: الفروقات بسيطة والفرق الأهم هو الحجم


نتمنى لكم عاماً جميلاً

اترك التعليق